काठमाडौं- लुम्बिनी प्रदेश रुपन्देही भैरहवामा निर्माणधिन बुद्ध स्टार होटलले लगानी विस्तार गर्ने भएको छ।
होटलले लगानी विस्तारका लागि वातावरणीय प्रभाव मूल्यांकन तयार पारेको छ। तयार वातावरणीय प्रभाव मूल्यांकन वन तथा वातावरण मन्त्रालयले राय सुझावका लागि सार्वजनिक समेत गरेको छ।
२०७७ असोजमा ५० कोठामा ८१ बेड रुपमा सहितको होटल बनाउने गरी वातावरणीय प्रभाव मूल्यांकन रिपोर्ट स्वीकृत गरेको थियो। अहिले होटलले पुन: लगानी विस्तार गर्दै होटलमा संरचना नै थप्नका लागि भन्दै पुन: वातावरणीय प्रभाव मूल्यांकन रिपोर्ट तयार पारेको छ।
५० कोठाको होटलमा थप ७५ कोठा थपिने छ। लगानी विस्तार गर्दै संरचना थपपछि होटलमा कुल १२५ कोठा २ सय रुम हुने छ। होटलको विस्तारमा ५० करोड लगानी थप हुने अनुमान रिपोर्टमा उल्लेख छ।
होटल भवनको उचाइ २५ मिटरको हुने छ। १ कठ्ठा जग्गाको कुल ५१ प्रतिशत हरियाली र खुला क्षेत्र हुने रिपोर्टमा उल्लेख छ। होटलको भवन ६ तलाको हुनेछ।
