काठमाडौं- उद्योग वाणिज्य तथा आपूर्तिमन्त्री दिलेन्द्रप्रसाद बडूले औद्योगिक क्षेत्रमा बढेको भाडाका बारेमा पुनर्विचार गर्न सरकार तयार रहेको बताएका छन्।
नेपाल उद्योग परिसंघको १९ औँ साधारणसभामा बोल्दै उनले थला परेका उद्योगलाई भाडा बढाएर मारमा पार्ने कुनै नियत नरहेको बताए।
औद्योगिक क्षेत्र व्यवस्थापन लिमिटेडले २०७९ साउन १ गतेबाट लागू हुनेगरी सात गुणासम्म जग्गा भाडा वृद्धि गरेको थियो।
यस्तो निर्णयबाट औद्योगिक उत्पादन घट्ने र अन्तत: रोजगारीसम्म प्रभावित हुने भन्दै उद्योगी व्यवसायीले विरोध गरेका थिए।
सरकारले उत्पादन तथा रोजगारी बढाउनका लागि धेरै काम गरिरहेकाले बढेको भाडा अस्वभाविक भएको भए थप छलफल गर्न तयार रहेको मन्त्री बडूले बताए।
