काठमाडौं- आर्थिक वर्ष २०७८/७९ मा ग्लोबल आईएमई बैंकले २५ प्रतिशतले नाफा बढाएको छ। बैंकले अघिल्लो वर्षको तुलनामा नाफा बढाएर ५ अर्ब २० करोड रुपैयाँ कमाएको छ। 

अघिल्लो वर्ष बैंकले ४ अर्ब १६ करोड रुपैयाँ नाफा गरेको थियो। बैंकले  वितरण योग्य नाफा भने ३ अर्ब १९ करोड  छ। 

बैंकको नाफामा वृद्धि भएपनि निक्षेप तथा कर्जामा भने उल्लेख्य प्रगति गर्न सकेको छैन। निक्षेप ३.३७  प्रतिशतले बढाको छ भने ऋण १३.०७ प्रतिशतले बढाएको छ। 

बैंकले २०७८/७९ को अन्त्यसम्म २ खर्ब ७७ अर्ब निक्षेप संकलन गरेको छ भने २ खर्ब ५८ अर्ब ऋण प्रवाह गरेको छ। 

बैंकको खराब कर्जा भने १ . २२ प्रतिशत रहेको छ। 

प्रतिसेयर आम्दानी २१.८८ रुपैयाँ रहेको बैंकको प्रति सेयर नेटवर्थ १५६.११ रुपैयाँमा स्थिर रहेको छ।