काठमाडौं- बिहीबार सुनको मूल्य तोलामा एक हजार रुपैयाँले घटेको छ। बुधबार ९४ हजार रुपैयाँमा कारोबार भएको सुन बिहीबार ९३ हजार रुपैयाँमा कारोबार भइरहेको हो।
नेपाल सुनचाँदी व्यवसायी महासंघले सार्वजनिक गरेको विवरणअनुसार बिहीबार तेजाबी सुनको मूल्य प्रतितोला ९२ हजार ५ सय रुपैयाँ छ।
त्यस्तै बिहीबार चाँदीको मूल्य अघिल्लो कारोबार मूल्यको तुलनामा प्रतितोला १० रुपैयाँले घटेर १ हजार १ सय ५५ रुपैयाँ तोकिएको छ।
