कास्की- पोखरा महानगरपालिका-८ न्यूरोडस्थित एनआईसी एसिया बैंकको एटीएम मेसिन फोर्न खोजेको अभियोगमा एकजना पक्राउ परेका छन्।
पोखरा महानगरपालिका-९ पृथ्वी चोक बस्ने रुकुम घर भएका १९ वर्षीय नरेश पुन मगरलाई शनिबार प्रहरीले एटीएम मेसिन फोर्न खोजेको पाइएपछि पक्राउ गरेको हो।
जिल्ला प्रहरी कार्यालय कास्कीबाट खटिएको प्रहरीले उनलाई पक्राउ गरेको हो। उनी उपर चोरी उद्योग मुद्दामा जिल्ला अदालत कास्कीबाट ५ दिन म्याद थप अनुमति लिइ आवश्यक अनुसन्धान भइरहेको प्रहरीले जनाएको छ।
