.gif)
.gif)
काठमाडौं- अन्तर्राष्ट्रिय बजारमा कच्चा तेलको मूल्यमा उल्लेख्य गिरावट आएको छ। मूल्य घटेसँगै भारतीय आयल कर्पोरेसन (आईओसी)बाट पनि नेपाल आयल निगमलाई पेट्रोलियम पदार्थको मूल्य घटेर आएको छ।
निगमलाई शनिबार प्राप्त मूल्यअनुसार पेट्रोल प्रतिलिटर १५ रुपैयाँ ७६ पैसा र डिजल प्रतिलिटर १६ रुपैयाँ ५६ पैसा घटेर आएको छ। भारतबाट इन्धनको मूल्य घटेर आए पनि उपभोक्तालाई तत्काल मिल्छ मिल्दै निगमले लिने निर्णयमा भर पर्नेछ।
निगमले यसअघिको घाटा पुर्ती गर्न आईओसीले घटाएर पठाए पनि नेपालमा तत्काल तेलको मूल्य नघट्ने संकेत गरेको छ। नोक्सानी बढेका कारण आयल निगमले हाल आईओसीलाई निगमले ३१ अर्ब २० करोड रुपैयाँ तिर्न बाँकी रहेको छ।
हाल अन्तर्राष्ट्रिय बजारमा कच्चा तेलको मूल्य प्रतिब्यारेल १ सय डलरभन्दा कममा झरेको छ। एक महिनाअघि प्रतिब्यारेल १२० डलरभन्दा बढी थियो। अन्तर्राष्ट्रिय बजारमा कच्चा तेलको मूल्य घटेसँगै नेपाललाई केही राहत मिलेको छ।
