.gif)
.gif)
काठमाडौं- आन्तरिक राजस्व विभागले आर्थिक वर्ष २०७८/७९ मा उठाउने भनेर पाएको लक्ष्य पूरा गर्न सकेको छैन।
विभागका लागि निर्धारण गरिएको लक्ष्यको ९० प्रतिशत मात्र उठाउन सफल भएको छ। विभिन्न करका शीर्षक मध्ये शिक्षा र स्वास्थ्य बाहेक अरुको लक्ष्य पूरा हुन सकेन।
विभागलाई गएको वर्षका लागि ५ खर्ब ३७ अर्ब ९४ करोड ७७ लाख ९० हजार कर सङ्कलनको लक्ष्य निर्धारण गरिएको थियो। तर विभागले जम्मा ४ खर्ब ८३ अर्ब ४५ करोड ३८ लाख ६६ हजार मात्र संकलन गर्न सफल भएको छ।
विभागले आयकर लक्ष्यको ९१ प्रतिशत उठाएको छ। आन्तरिक भ्याट ८४ प्रतिशत र अन्तःशुल्क ९६ प्रतिशत उठाएको छ।
