काठमाडौं- धितोपत्र कारोबारको राफसाफ तथा फर्स्यौट गर्दा भुक्तानी हुने कमिसनमा आयकर ऐनको दफा ८८ अनुसारको व्यवस्थाबाट कर उठाउन महालेखाले निर्देशन दिएको छ।
महालेखा परीक्षकको ५९ औँ प्रतिवेदनमा महालेखाले नेपाल स्टक एक्सचेन्ज कम्पनी लिमिटेडलाई सोही व्यवस्था अनुसार कर कट्टी गर्न भनेको छ।
धितोपत्रको कारोबार सेटलमेन्टको काम हाल सीडीएस एण्ड क्लियरिङ लमिटेडले गर्दे आएको छ। यो कम्पनीले यसरी राफसाफ गर्दा कारोबार रकमको ०.००१७५ प्रतिशत कमिसन पाउँदै आएको छ। यस्तो कमिसनबा सीडीएसले गत वर्ष ४८ करोड ८४ लाख कमिसन पाएको थियो।
यस्तो कमिसन भुक्तानी गर्दा १.५ प्रतिशत मात्र कर कट्टी गरिएको थियो। तर यसमा १५ प्रतिशत कर कट्टी गर्नुपर्ने महालेखाको ठहर छ। यस्तो गर्दा बाँकी रहेको ६ करोड ८१ लाख ५९ हजार कर असुल गर्नुपर्ने महालेखाले प्रतिवेदनमा उल्लेख गरेको छ।
