काठमाडौं- सरकारी खर्च बढ्दै जाँदा बैंकहरूमा निक्षेप आउने क्रम बढेकाे छ। आइतबार १५ अर्ब निक्षेप थपिएकाे थियाे।
साेमबार मात्रै थप ९ अर्ब निक्षेप थपिएकाे हो। असार मसान्त नजिकिँदै जाँदा वित्तीयसंस्थाहरुमा निक्षेप आउनेक्रम बढेकाे हाे। नेपाल राष्ट्र बैंकका अनुसार वित्तीय संस्थाहरुमा दुई दिनमा २५ अर्ब निक्षेप थपिएकाे छ।
शुक्रबारसम्म ५० खर्ब ५ अर्ब निक्षेप रहेकाेमा आइतबार र साेमबार थपिएर निक्षप ५० खर्ब २९ अर्ब रुपैयाँ पुगेकाे हाे। तथ्यांकअनुसार वाणिज्य बैंकहरुमा ४४ खर्ब १८ अर्ब निक्षेप रहेकाेमा आइतबार र साेमबार निक्षेप थपिएर ४४ खर्ब ४० अर्ब रुपैयाँ पुगेकाे छ। यता ऋण जारी ठप्प हुँदा उठ्ने क्रम बढेकाे छ।
शुक्रबारसम्म ४७ खर्ब ११ अर्ब ऋण जारी भएकाेमा घटेर ४७ खर्ब ६ अर्बमा झरेकाे छ। निक्षेप र ऋणकाे अनुपात सीडी रेसियाे भने राष्ट्र बैंकले ताेकेकाे ९० प्रतिशत तल झरेकाे छ।
