काठमाडौं- चालु आर्थिक वर्ष २०७८/०७९ को पहिलो ११ महिनामै नेपालले भारत तथा तेस्रो मुलुकबाट १७ खर्ब ६३ अर्ब रुपैयाँ बराबरको सामान आयात गरेको छ।
आयात रकम गत आर्थिक वर्षको सोही अवधिको तुलनामा २७.५ प्रतिशतले बढी हो। गत आर्थिक वर्षको ११ महिनामा कुल १३ खबै ८३ अर्ब रुपैयाँ बराबरको सामान आयात गरको थियो।
यसैगरी नेपालले चालु आर्थिक वर्षको ११ महिनामा १ खर्ब ८५ अर्बको सामान निकासी गरेको छ।
निकासी पनि गत आवको भन्दा ५३.३ प्रतिशतले बढी हो। नेपालको ११ महिनाको कुल वैदेशिक व्यापार १९ खर्ब ४९ अर्ब पुगेको छ। कुल वैदेशिक व्यापार पनि २९.५ प्रतिशतले बढको छ।
वैदेशिक व्यापार घाटा पनि २५ प्रतिशतले बढेको छ। ११ महिनाको कुल वैदेशिक व्यापार घाटा १५ खर्ब ७७ अर्ब रुपैयाँ पुगको छ।
