काठमाडौं- जापानिज सवारीसाधन निर्माता कम्पनी होन्डाले चिनियाँ कम्पनीसँगको सहकार्यमा चीनमा विद्युतीय कार उत्पादन गर्ने भएको छ। 

चिनियाँ कम्पनी ग्वाङजाउ अटोमोबाइल ग्रुपसँगको साझेदारीमा विद्युतीय सवारी साधन उत्पादन गर्नका लागि सम्झौता भएको छ। 

सयुक्त लगानीको यो भेन्चरको प्लान्टको ग्वाङजाउ प्रान्तमा हुने छ। यसमा सुरुमा ५२ करोड अमेरिकी डलर लगानी हुने छ। 

सन् २०२४ सम्म चीनबाट उत्पादन सुरु हुने होन्डाले विश्वास व्यक्त गरेको छ। चीनमा हुने यो प्लान्टको क्षमता वर्षमा १ लाख २० हजार युनिट कार उत्पादन गर्नसक्ने हुने छ। 

होन्डाले चीनमै एक अर्को कम्पनीसँगको साझेदारीमा ईभी उत्पादनका लागि काम सुरु गरिसकेको छ।