काठमाडौं- सोमबार सुनको मूल्य प्रतितोला २ सय रुपैयाँ बढेको छ। आइतबार नेपाली बजारमा छापावाल सुन प्रतितोला ९७ हजार ५ सय रुपैयाँमा कारोबार भएको थियो। सोमबारका लागि भने छापावाल सुन प्रतितोला २ सय रुपैयाँ बढेर ९७ हजार ७ सय रुपैयाँ कायम भएको छ।
यता चाँदीको मूल्य भने स्थिर छ। सोमबारका लागि चाँदीको मूल्य १२ सय ६५ रुपैयाँ कायम भएको छ। आइतबार पनि चाँदी सोही मूल्यमा कारोबार भएको नेपाल सुनचाँदी व्यवसायी महासंघले जनाएको छ।