काठमाडौं- त्रिभुवन अन्तर्राष्ट्रिय विमानस्थल वरिपरिका अग्ला टावरको अध्ययन हुने भएको छ।
नेपाल नागरिक उड्डयन प्राधिकरणले उडान सुरक्षामा असर पार्नसक्ने सम्भावनाका बारेमा अध्ययन गर्न प्राधिकरणले अध्ययन कार्यदल बनाउने निर्णय गरेको छ।
प्राधिकरणले विमानस्थल क्षेत्रको आसपासमा रहेका अग्ला भवन तथा टावरले उडान सुरक्षामा असर गरेका छन् कि छैनन् भनेर अध्ययन गर्न निर्णय भएको विमानस्थल कार्यालय प्रमुख प्रेमनाथ ठाकुरले जानकारी दिए।
समितिमा हवाइ सुरक्षा प्राविधिकहरु हुने भएपनि कोको छन् भनेर अहिलेसम्म नखुलेको उनले जानकारी दिए।
'विमानस्थल वरिपरीका घरले उडानमा अवरोध गर्छन् कि गर्दैनन् भनेर अध्ययन गर्ने गरी समिति बनाउने निर्णय भएको छ। समितिको गठन आज हुन्छ होला' ठाकुरले भने।