काठमाडौं- पूर्व मन्त्री तथा राप्रपाका नेता विक्रम पाण्डेले भ्रष्टाचार मुद्दामा सफाइ पाएका छन्। विशेष अदालतले पूर्वमन्त्री एवम् राप्रपाका नेता पाण्डेलाई भ्रष्टाचार मुद्दामा सफाइ दिएको छ।
विशेष अदालतका न्यायाधीशहरु अध्यक्ष श्रीकान्त पौडेल, रमेशकुमार पोखरेल र यमुना भट्टराईको इजलासले पाण्डेलाई सफाइ दिने फेसला गरेको हो।
सिक्टा सिँचाइ आयोजनामा कमसल काम गरी भ्रष्टाचार गरेको आरोपमा मुद्दा दायर भएको थियो।
अख्तियार दुरुपयोग अनुसन्धान आयोगले २०७५ मंसिर २१ गते सिक्टा सिँचाइ आयोजनामा कमसल काम गरी भ्रष्टाचार गरेको अभियोगमा पाण्डेसहित २१ जनाविरुद्ध साढे आठ अर्ब बिगो दाबी गर्दै भ्रष्टाचार मुद्दा दायर गरेको थियो।
पाण्डेविरुद्ध मात्र २ अर्ब १३ करोडको बिगो दाबी गरेको थियो।