शनिबार, फागुन ३ गते २०८१    
शनिबार, फागुन ३ २०८१
images
images

‘मल पनि छैन सिँचाइ पनि छैन’

images
बिजनेस न्युज
बिजनेस न्युज
सोमबार, जेठ ३० २०७९
images
images
‘मल पनि छैन सिँचाइ पनि छैन’

'बीउ त जसोतसो बोरिङ मोटरको सहयोगमा राखियो, अब खेतमा पानी नपुगे धान रोप्न सकिँदैन।'

images
images

टीकापुर- मल नपाएर दिक्क भएका कैलालीको टीकापुर क्षेत्रका किसान सिँचाइ सुविधाका लागि कुलाको मुहानमा बाँध लगाउने कार्यमा जुटेका छन्। धान खेती गर्ने समयमा सिँचाइ कुलामा पर्याप्त पानी नआएपछि यहाँका १ हजार ५ सय किसान रानी कुलाको मुहानमा श्रमदानमा जुटेका छन्।

images
images
images

अहिले उनीहरू दैनिक रुपमा जानकी गाउँपालिका-३ मालझुलस्थित रानी कुलाको बाँध लगाउन व्यस्त छन्। यसका लागि झाला पाता, नर्कट, माटो, ढुङ्गा, प्रयोग गरिरहेका छन्। यसरी बाँध बाध्न आवश्यक झालापातालगायतका सामान किसानले घरघरबाट बोकेर लगेका हुन्।

images
images

'किसानले डनलप, ट्र्याक्टर, साइकलमा घरघरबाट झाला पाता, नर्कट बोकेर लगेका हौँ', रानी कुलाका अध्यक्ष श्रीपाल चौधरीले भने, 'खेती गर्ने समयमा पानीको जोहो पनि किसान आफैँले गर्नु परिरहेको छ। एकातिर किसानलाई मल नपाएर समस्या छ, अर्कोतर्फ खेती गर्ने समयसम्म सिँचाइ सुविधा पुगेको छैन।'

images
images
images

रानी कुलाको महुनमा भएको बाँध रानीजमरा कुलरिया सिँचाइ आयोजनामार्फत निर्माण भइरहेका तटबन्धभ निर्माण गर्दा ठेकेदारले भत्काइदिएको किसानको गुनासो छ। ठेकेदारले बाँध निर्माण गरिदिने भने पनि अहिलेसम्म निर्माण नगरिदिएपछि असार लाग्नै थाल्दा ५२ गाउँका किसान आफैँ मुहानमा पुगेका हुन्।

'आवश्यक सामान जोहो पनि हामी आफैँले गरेका छौँ, हरेक घरबाट एक/एक जना किसान श्रमदानमा जुटेका छौँ', उनले भने, 'प्रति उपभोक्ता १५ रुपैयाँ उठाएका छौँ, आइतबार श्रमदान गर्‍यौँ, झालापाता बाध्ने काम गर्‍यौँ, आज स्काभेटरले ग्राभेल उठाएर झाला दवाउने काम गर्ने तयारी छ।'

बाँध लगाउन किसानले झाला पाता, नर्कट, माटो, ढुङ्गा प्रयोग गरेका छन्। 'आयोजनाले तटबन्ध निर्माण गर्दा यसअघि मुहानमा रहेको जाली, तटबन्ध सबै भत्काइदिएको थियो। हामीलाई आयोजनाले बनाइदिन्छु भनेको थियो तर बनाएन', किसान रमेश चौधरीले भने, 'निर्माण ठेकेदारले गरेन भनेर कुर्ने कुरा भएन। समयमै बाँध नबनाएमा सिँचाइ सुविधा पाउन र बर्सातमा आउने बाढी नियन्त्रण गर्न सकिँदैन। त्यसैले हामी आफैँ जुट्यौँ।'

रानी कुलाको मुहानमार्फत यस क्षेत्रमा ७०० हेक्टर जमिन सिँचाइ हुन्छ। रानी कुलाबाट १९ शाखा कुलामा पानी जान्छ। 'सबैभन्दा लामो कुलामा रानी कुला पर्छ। यहाँबाट सिँचाइ सुविधा लिने जमीन बढी छ', किसान दिलेन्द्र कुश्मीले भने, 'बीउ त जसोतसो बोरिङ मोटरको सहयोगमा राखियो, अब खेतमा पानी नपुगे धान रोप्न सकिँदैन।'

कैलालीमा सिँचाइ सुविधाका लागि रानीजमरा कुलरिया सिँचाइ आयोजना सञ्चालनमा छ। आयोजनाले सिँचाइ सुविधाका लागि गाउँ गाउँमा नहर निर्माण, नदी नियन्त्रणका लागि तटबन्ध निर्माण जस्ता कार्य गर्दै आएको छ। आयोजनाले शाखा, प्रशाखा कुला व्यवस्थापनमा सघाउने काम गरिरहे पनि निर्माण कम्पनीले भत्काएका संरचना समयमै मर्मत नहुँदा किसानले खेती गर्ने समयमा दुःख पाउने गरेका छन्। रासस


प्रकाशित : सोमबार, जेठ ३० २०७९०५:१३
प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend