काठमाडौं (जेठ ३०) - गौतम बुद्ध अन्तर्राष्ट्रिय विमानस्थलको सुरक्षामा खटिने नेपाली सेना बस्ने संरचना निर्माण हुने भएको छ।
नेपाल नागरिक उड्डयन प्राधिकरण राष्ट्रिय गौरवको आयोजना निर्देशनालयले विमानस्थलको सुरक्षामा खटिने नेपाली सेना बस्ने पोस्ट अफिस भवन निर्माण गर्न लागेको हो।
आयोजना कार्यालयले संरचना निर्माणका लागि कम्पनीसमेत छनोट गरेको छ। आयोजनाले ३ करोड १८ लाख रुपैयाँमा संरचना बनाउने गरी कम्पनी छनोट गरेको छ।
आयोजल कार्यालयले एम/एस राजन निर्माण सेवा कम्पनी छनोट गरेको हो। विमानस्थल जेठ २ गतेबाट व्यवसायिक रुपमा सञ्चालनमा आइसकेको छ। विमानस्थलबाट जजिरा एयरले सातामा ३ दिन कुवेतबाट उडान गरिरहेको छ।
विमानस्थलबाट उडान गर्न दर्जनभन्दा बढी एयरलाइन्स कम्पनीले अध्ययनसमेत गरिरहेका छन्।
