काठमाडौं-  वार्षिक १० करोड रुपैयाँमाथिको कारोबार गर्ने कम्पनीले अनिवार्य विद्युतीय बिजक जारी गर्नुपर्ने  भएको छ। 

सुरुमा वर्षमा ८० करोडमाथिको कारोबार गर्नेका लागि अनिवार्य गरिएको यो व्यवस्था यसअघि ३५ करोडको कारोबारमा अनिवार्य गरिएको थियो।  निश्चित तोकिएका केही व्यवसायका लागि १० करोडको कारोबार गर्नेले पनि यसमा जोडिनुप्ने थियो। 

अब भने १० करोडमाथिको कारोबार गर्नेका लागि अनिवार्य बिजक जारी गर्नुपर्ने भएको छ। 

यसरी अनलाइन बिजक जारी गर्ने कम्पनीको गतिविधि केन्द्रीय बिलिङ मनिटरिङ सिस्टममा जोडिने छ। यसको माध्यमबाट आन्तरिक राजस्व विभागले नियमन गर्नसक्ने छ।

बैंक तथा वित्तीय संस्थालाई भने यो अनिवार्य हुने छैन। तर बक्स अफिसमा जोडिएका काठमाडौं बाहिरका सिनेमा हल पनि जोडिनु पर्ने छ।