काठमाडौं- चन्द्रागिरि डाँडामा सञ्चालनका आएको चन्द्रागिरि हिल्स रिसोर्टले लक्जरी रिसोर्ट स्तर पाएको छ। यसैगरी नेपाल ट्रष्टको जग्गा भाडामा लिएर यती ग्रुपले सञ्चालन गरेको गोकर्ण फरेस्ट रिसोर्टले पनि लक्जरी रिसोर्टको प्रमाण लिएको छ।

चन्द्रागिरि रिसोर्टमा १ सय रुममा  १ सय ६० बेड रहेका छन् भने गोकर्ण फरेस्टमा १ सय रुममा नै १ सय ६२ बेड रहेका छन्।  गोकर्ण फरेस्टमा २ सय  ४५ जना र चन्द्रागिरि हिल्स रिसोर्टमा १ सय ५० जनाले रोजगारी पाएका छन्।

३ वटा डिलक्स रिसोर्ट

विभागले गरेका स्तरीकरणमा ३ वटा रिसोर्टले डिलक्स रिसोर्टको प्रमाण पत्र लिएका छन्।

जसमा आगन्तुक रिसोर्ट बनेपा, बर पिपल रिसोर्ट  पोखरा र लुम्बिनी ग्रिन  रिसोर्ट कपिलबस्तुमा सञ्चालन भएका रिसोर्टले डिलक्स स्तरको प्रमाण पत्र लिएका हुन।

साधर रिसोर्टको प्रमाण पत्र लिने रिसोर्टको संख्या  १ सय ९ पुगको विभागले जनाएको छ।