काठमाडौं- सरकारले आगामी आर्थिक वर्ष २०७९/०८०को बजेटमार्फत ६ वटा महानगरपालिकालाई विभिन्न अनुदान शीर्षकमा १० अर्ब ३१ करोड २९ लाख रुपैयाँ बजेट पठाएको छ।

केन्द्र सरकारले समानिकरण अनुदान शीर्षकमा ३ अर्ब ३९ करोड ५५ लाख, सर्शत अनुदान शीर्षकमा ६ अर्ब ५५ करोड ८४ लाख, विशेष अनुदान शीर्षकमा १५ करोड ३० लाख र समपुरक अनुदान शीर्षकमा २० करोड ६० लाख रुपैयाँ पठाएको हो।

कुन महानगरपालिका लागि कति?

विराटनगर महानगरपालिकालाई केन्द्र सरकारले १ अर्ब २१ करोड ८५ लाख रुपैयाँ पठाएको छ।  यसैगरी विरगञ्ज महानगरपालिकालाई केन्द्र सरकारले १ अर्ब ४४ करोड ८६ लाख रुपैया र भरतपुर महानगरपालिकालाई १ अर्ब ८० करोड २४ लाख ४ रुपैयाँ विभिन्न अनुदान शीर्षक केन्द्र सरकारले बजेट पठाएको छ।

यसैगरे काठमाडौं महानगरपालिकालाई २ अर्ब ३ करोड ९९ लाख रुपैयाँ र पोखरा महानगरपालिकालाई २ अर्ब ५८ करोड ४६ लाख रुपैयाँ र ललितपुर महानगरपालिकालाई १ अर्ब २१ करोड ८९ लाख रुपैयाँ बजेट केन्द्र सरकारले दिएको छ।

सबैभन्दा बढी पोखरा महानगरपालिका र दोस्रो बढीमा काठमाडौं महानगरपालिकालाई बजेट पठाएको छ।