काठमाडौं- सरकारले आर्थिक ऐन २०७९ मार्फत १५ सय सीसी माथिकाे डिजल/पेट्रोल गाडीकाे अन्त:शुल्क बढाएको छ।
१५ सय सीसीदेखि २ हजार सीसीकाे पेट्रोल गाडीमा ५ प्रतिशत अन्त:शुल्क बढाएको छ। यसमा पहिले ७० प्रतिशत थियाे भने अब ७५ प्रतिशत बनाइएको हाे।
यसैगरी २ हजार देखि २५ सय सीसीमा पहिले ८० प्रतिशत रहेकाे अन्त:शुल्क अहिले ८५ प्रतिशत र २५ सयदेखि ३ हजार सीसीसम्म पहिले ९० थियाे अब ९५ प्रतिशत बनाइएको हाे।
यसैगरी ३ हजार सीसीमाथि पहिले १०० प्रतिशत रहेकाे अन्त:शुल्क बढाएर अब १०५ प्रतिशत बनाइएको छ।
यसैगरी डिजल गाडीमा १५ सय सीसीदेखि २ हजार सीसीको हकमा पहिले ७० प्रतिशत रहेकाे अन्त:शुल्क बढाएर ७५ प्रतिशत बनाइएको हो।
साथै २ हजार सीसीदेखि २५ सय सीसीको हकमा पहिले ८५ प्रतिशत रहेको अन्त:शुल्क ९० प्रतिशत बनाइएको छ।
यसैगरी २५ सय सीसीभन्दा माथिको हकमा पहिले १०० प्रतिशत रहेको अन्त:शुल्क अहिले १०५ प्रतिशत बनाइएको छ।
यसैगरी हाइब्रिडकाे हकमा पहिले ४० प्रतिशत रहेकाे अन्त:शुल्क अहिले ४५ बनाइएको छ।
