काठमाडौं- पोखराबाट जोमसोमका लागि उडेको तार एयरको जहाज दुर्घटनाग्रस्त अवस्थामा भेटिएको छ। जहाज आइतबार बिहान ९ बजेर ५५ मिनेटमा पोखराबाट जोमसोमका लागि उडान गरेको थियो।
कलसाइन नाइन-एन एईटी जहाजमा चारजना भारतीय, दुईजना जर्मन नागरिक र १३ जना नेपाली साथै तीनजना चालक दलका सदस्यसहित २२ जना यात्रु थिए। दुर्घटनामा सबैको निधन भएको छ।
सवार यात्रुमा एक जना तारा एयरकै सिनियर पाइलट समेत रहेको खुलेको छ।
बसन्त लामा तारा एयरकै सिनियर पाइलट हुन्। लामा नेपाल एयरलाइन्सका बोइङ जहाज उडान गर्ने डिके बुद्धिष्टका छोरा हुन्।
उनी यात्रुको रुपमा मुस्ताङ घुम्न गएको बुझिएको छ।
