काठमाडौं- अस्तव्यस्त सार्वजनिक सवारीका कारण निजी सवारी प्रयोगकर्ताको संख्या बर्सेनि बढ्दो छ। चालु आर्थिक वर्ष २०७८/०७९ को साउनदेखि फागुनसम्ममा मात्रै ४ लाख १६ हजार ४ सय २६ सवारी दर्ता भएका छन्।
८ महिनामा दर्ता भएका सवारीमा ३ लाख ६० हजार २ सय ९४ वटा मोटरसाइकल/स्कुटर मात्रै रहेका छन्।
यसैगरी ८ महिनामै दर्ता भएका मध्ये २ हजार १ सय ४१ वटा बस, २ हजार ६ सय ४० वटा मिनिबस/मिनिट्रक र ५ हजार ६ सय ५१ वटा केन, डोजर, एस्काभेटर र ट्रक रहेका छन।
यसैगरी १७ हजार ८१ वटा कार/जिप/भ्यान, ५ हजार ९ सय ५६ वटा पिक अप, ४ सय ७४ वटा माइक्रोबस, ९ हजार ७ सय १० वटा टेम्पो, ७ हजार ३ सय १९ वटा टेक्टर/पावर टिलर, ४ हजार ७ सय ४८ वटा ई-रिक्सा र ४ सय ५६ वटा अन्य प्रकृतिका सवारी दर्ता भएका छन्।
दर्ता सवारीको संख्या पुग्यो ४८ लाख ८२ हजार
चालु आर्थिक वर्षको फागनु मसान्तसम्म देशभरी दर्ता भएका सवारीको साधनको संख्या ४८ लाख ८२ हजार २ सय ६७ पुगेको छ।
यसरी दर्ता भएका सवारी मध्ये ८० प्रतिशतभन्दा बढी मोटरसाइकल रहेको छ। मोटरसाइकको संख्या मात्रै ३९ लाख ४० हजार ४ सय ५८ पुगेको छ।
यसैगरी कुल दर्ता सवारी मध्ये ६० हजार ८ सय ६४ वटा बस, ३४ हजार ७ सय २० वटा मिनिबस/मिनिट्रक र १ लाख १९ हजार ९ सय ३८ वटा केन, डोजर, एस्काभेटर र ट्रक रहेका छन।
त्यस्तै ३ लाख ८ हजार १ सय ९ वटा कार/जिप/भ्यान, ८५ हजार ३ सय ५२ वटा पिकअप, ११ हजार ४ सय १८ वटा माइक्रोबस, ८७ हजार १ सय १५ वटा टेम्पो, १ लाख ८० हजार २ सय १० वटा टेक्टर/पावर टिलर, ४४ हजार ७ सय ४६ वटा ई-रिक्सा र ९हजार ३ सय ३७ वटा अन्य प्रकृतिका सवारी दर्ता भएका छन्।
