काठमाडौं- घाटामा जाने सार्वजनिक संस्थानहरुको संख्या बढिरहेको छ।  आर्थिक सर्वेक्षणमा सांस्थानहरु दुई वर्षयता निरन्तर घाटामा रहेको उल्लेख छ। सरकारले शनिबार सार्वजनिक गरेको आर्थिक सर्वेक्षणले यस्तो देखाएको हो।

आर्थिक वर्ष २०७७/७८ मा नाफामा सञ्चालित २२ संस्थानको खुद नाफा ४०.३० प्रतिशतले घटेको छ भने नोक्सानीमा सञ्चालित १९ संस्थानको खुद नोक्सानी ३.६१ प्रतिशतले बढेको छ। गत वर्ष २४ वटा संस्थानले नाफा गरेका थिए। २ संस्थानको कारोबार शून्य थियो भने १८ संस्थानले घाटा ब्यहोरेका थिए। आर्थिक वर्ष २०७७/७८ मा अस्तित्वमा रहेकामध्ये २२ संस्थान नाफामा रहेपनि १९ संस्था भने घाटामा रहेका छन्। 

आर्थिक वर्ष २०७६/७७ मा संस्थानको कुल सञ्चालन आय ४ खर्ब २८ अर्ब ७१ करोड ३४ लाख रहेकोमा आर्थिक वर्ष २०७७/७८ मा १.५१ प्रतिशतले वद्धि भएर ४ खर्ब ३५ अर्ब १७ करोड ३९ लाख पुगेको छ। 

आर्थिक वर्ष २०७७/७८ मा जम्मा ६ अर्ब ७२ करोड १४ लाख लाभांश प्राप्त भएको छ। यो रकम अघिल्लो वर्षको तुलनामा ५२.३३ प्रतिशतले कम हो।

गत वर्ष २४ वटा संस्थानले नाफा गरेका थिए। २ संस्थानको कारोबार शून्य थियो भने १८ संस्थानले घाटा ब्यहोरेको तथ्यांक छ।