काठमाडौं- क्यानडाले पनि चिनियाँ टेक जायन्ट हुवावेका उपकरण प्रयोगमा प्रतिबन्ध लगाउने भएको छ। फाइभजी उपकरण प्रयोगमा प्रतिबन्ध लगाएर अमेरिकाले नेतृत्व गरेको फाइभ आई एलाइन्समा क्यानडा पनि सहभागी हुने भएको हो।
राष्ट्रिय सुरक्षालाई सुनिश्चिता गर्नका लागि भन्दै क्यानडाले अर्को चिनियाँ कम्पनी जेटईका उपकरणमा पनि प्रतिबन्ध लगाइने क्यानडाका उद्योगमन्त्री फ्रान्सिओस फिलिपले बताएका छन्।
'जेटई र हुवावेको सहभागिता बाहेकको फाइभजी नेटवर्क हुने छ' उनले भनेका छन्'यसअघि नै जडान भएका छन् भनेपनि समयतालिका अनुसार सेवाप्रदायकले झिक्नुपर्ने छ।'
उनका अनुसार यसअघि नै जडान गरेका कम्पनीले फाइभजीका उपकरण सन् २०२४ जुनसम्म निकाल्नुपर्नेछ भने फोरजीका लागि सन् २०२७ को अन्त्यसम्म।
अमेरिकी नेतृत्वको फाइभ आइज नेटवर्कमा बेलायत, अष्ट्रेलिया र न्युजिल्यान्ड छन्। यी देशले यसअघि नै प्रतिबन्ध लगाइसकेका छन्।
पछिल्लो समय चीन-क्यानडाबीच कुटनीतिक तानब बढिरहेको छ। यो तनावको व्यवस्थापन अझै हुनसकेको छैन।
चिनियाँ कम्पनीका उपकरण प्रयोगमा युरोपियन मुलुकहरुले पनि रोक लगाएका छन्। कतिपय मुलुकमा मूल्यका कारणले अझै पनि प्रतिबन्ध लगाउन सकेका छैनन्। युरोप अमेरिकामा चिनियाँ कम्पनीको सुरक्षा सरोकार बारेमा अझै बहस तथा छलफल भइरहेको छ।
