काठमाडौं- नेपाल राष्ट्र बैंकले वाणिज्य बैंकहरूसँग पछिल्लो २ महिनाभित्र प्रकाशित ब्याजदरको विवरण पेश गर्न निर्देशन दिएको छ। राष्ट्र बैंकले विहीबारभित्र विवरण पठाउन निर्देशन दिएको हो।

केन्द्रीय बैंकले सोमबारसम्मको विवरण पठाउन भनेको हो। 

राष्ट्र बैंकले वाणिज्य बैंकहरूमा पठाएको पत्रमा ‘विगत केही समययता वाणिज्य बैंकहरूले कर्जाको ब्याजदर निर्धारण, प्रिमियम निर्धारण, ब्याजदरको सूचाना प्रकाशन तथा संस्थागत निक्षेपको ब्याजदर निर्धारण जस्तामा विषयमा यस बैंकबाट बैंक तथा वित्तिय संस्थाहरुलाई जारी भएको एकीकृत निर्देशन २०७७ को निर्देशन १५ को पालना नभएको भन्दै गुनासो आएको छ। यस सम्बन्धमा उल्लेखित निर्देशन पालनाको यथार्थ अवस्थाको विष्लेषण गरी सोको सम्बन्धमा भएका सबै विवरण असोज ७ गते भित्र उपलब्ध गराउनु होला।’

वाणिज्य बैंकहरुले पछिल्लो समय ब्याजदर बढाएपछि राष्ट्र बैंकले यस्तो निर्देशन गरेको हो।