काठमाडौं- नेपाल वायुसेवा निगमका कर्मचारीले निगमका कार्यकारी अध्यक्ष युवराज अधिकारीले निगमको हितमा कुनै पनि काम गर्न नसकेको भन्दै संस्कृति, पर्यटन तथा नागरिक उड्डयनमन्त्री प्रेम आलेसमक्ष ध्यानाकर्षण पत्र बुझाएका छन्। निगमका सबै कर्मचारी सम्बद्ध ट्रेड युनियनका संस्थाहरूले संयुक्त रुपमा १५ बुँदे ध्याकर्षणपत्र बुझाएका हुन्।
कर्मचारीहरूले निगमका पैसा हुँदासमेत सञ्चयकोष र नागरिक लगानीकोषमा किस्ता समेत नबुझाएको आरोप लगाएका छन्।
युनियनहरूले चिनियाँ जहाज सञ्चालनसहित गन्तव्य विस्तारलगायत कुनै पनि विषयमा समस्या समाधान नगरेको तर कर्मचारीहरूलाई धम्की दिएको भन्दै कार्यकारी अध्यक्ष अधिकारीको राजीनामासमेत माग गरेका छन्।
![patra na.jpg](https://biznessnews.com/media-file/images/2022/05/1651757108-qu6fA.jpg)
![na patra 1.jpg](https://biznessnews.com/media-file/images/2022/05/1651757124-wfpP7.jpg)