काठमाडौं- अनलाइन लजिष्टिक प्ल्याटफर्म उपाय सिटी कार्गोले बिराटनगरमा सेवा विस्तार गरेको छ । 

काठमाण्डौं, बुटबल, भैरहवामा सेवा दिइरहेको कम्पनीले बिराटनगरमा पनि सेवा सुरु गरेको हो। देशभर सेवा विस्तार गर्ने लक्ष्य लिएको कम्पनीले बिराटनगरमा पनि सेवा पुर्‍याएको हो। 

 नेपालमै पहिलो पटक अनलाईन प्रविधि मार्फत ढुवानी व्यवसायी र ग्राहकलाई जोड्न सफल भएको कम्पनीको सेवा लिनका लागि  ग्राहकले मोबाईलमा उपाय सिटी कार्गोको एप डाउनलोड गरि आफ्नो विवरण राखेर साइन अप गर्नु पर्नेछ । 

उपाय सिटी कार्गोको ढुवानी सेवा बिराटनगरका साथै इटहरी, धरान, इनरुवा र उर्वाबारीसम्म पुयाउने कामको थालनी  दुई महिना अगाडीदेखि नै सुरु गरिएको जानकारी विराटनगरका निर्देशक दिवस दाहालले दिए।