.jpg)
.jpg)
.gif)
.gif)
महेन्द्रनगर- कञ्चनपुर भन्सार कार्यालय गड्डाचौकी लक्ष्यअनुरुप वार्षिक राजस्व संकलन गर्न असफल भएको छ।
.gif)
गत आर्थिक वर्ष २०८२/०८३ मा ६९ करोड दुई लाख ८६ हजार रूपैयाँ वार्षिक राजस्व संकलनको लक्ष्य लिएकोमा ६० करोड ९ लाख ६२ हजार रूपैयाँ राजस्व जम्मा भएको कञ्चनपुर भन्सार कार्यालयका सूचना अधिकृत चक्रदेव भट्टले जानकारी दिए।
.gif)
.gif)
'लक्ष्यभन्दा १३ प्रतिशतले कम राजस्व जम्मा भयो', सूचना अधिकृत भट्टले भने, 'तोकिएकोमा ८७.५ प्रतिशत राजस्व जम्मा भएको छ।'
उनले गत जेठमा करको दरमा गरिएको कडाइ र वनबासा पुल सीमित समयमात्रै खुल्ने भएका कारण राजस्व संकलनमा प्रभावित हुने गरेको बताए।
यहाँबाट दैनिक उपभोग्य सामान, लत्ताकपडा, इलेक्ट्रिक सामान, भाँडाकुँडा, कृषि सामग्रीलगायतका वस्तु आयात र अदुवालगायतका मालसमान भारत निर्यात हुने गरेको भन्सार कार्यालयले जनाएको छ। रासस
