काठमाडौं-नेपाल धितोपत्र बोर्डबाट केही दिनअघि सेयर जारी गर्न अनुमति पाएको उपकार लघुवित्त वित्तीय संस्था लिमिटेडले चैत २५ गते शुक्रबारदेखि सर्वसाधारणका लागि (आईपीओ) जारी गर्ने भएको छ।
लघुवित्तले प्रतिसेयर अंकित मूल्य एक सय रुपैयाँ अंकित दरका २ करोड ३६ लाख २५ हजार रुपैयाँ बराबरको २ लाख ३६ हजार २५० कित्ता साधारण सेयर निष्काशन गर्न लागेको हो।
कुल निष्काशित सेयरमध्ये ०.५ प्रतिशत अर्थात ३ हजार २८१ कित्ता सेयर लघुवित्तका कर्मचारीहरुका लागि र ५ प्रतिशत अर्थात ११ हजार ८१३ कित्ता सेयर सामूहिक लगानी कोषहरुलाई सुरक्षित गरिएको छ। बाँकी रहेको २ लाख २१ हजार १५६ कित्ता सेयर खरीदका लागि सर्वसाधारणले आवेदन दिन सक्नेछन्।
जारी सेयर चैत २९ गते मंगलबारसम्म निष्काशन खुला हुनेछ।आईपीओमा न्यूनतम १० कित्तादेखि १ हजार कित्तासम्मका लागि आवेदन दिन सक्नेछन्।
