.jpg)
.jpg)
.gif)
.gif)
काठमाडौं- ललितपुरको बालकुमारीमा जीआईएस सबस्टेसन निर्माणका लागि जग्गा प्राप्तिसम्बन्धी प्रक्रिया पूरा भएको छ।
.gif)
गत सोमबार बसेको मन्त्रिपरिषद् बैठकले काठमाडौं उपत्यका खानेपानी लिमिटेड (केयूकेएल)को स्वामित्वमा रहेको चार रोपनी जग्गा उपयोग गर्न नेपाल विद्युत् प्राधिकरणलाई प्रयोग गर्न स्वीकृति दिएसँगै प्रक्रिया पूरा भएको हो।
.gif)
.gif)
लामो समयदेखि अवरुद्ध रहेको उक्त सबस्टेसन निर्माणका गर्न ऊर्जा, जलस्रोत तथा मन्त्रालयले पहल गरेको थियो। काठमाडौं उपत्यकाको विद्युत् वितरण प्रणालीलाई सुदृढ, भरपर्दो र दिगो बनाउनका निम्ति सो क्षेत्रमा उच्च क्षमताको जीआइएस सबस्टेसन निर्माण प्रक्रिया अगाडि बढाइएको थियो। तर जग्गा प्राप्त नहुँदा चार वर्षभन्दा बढी समयदेखि परियोजना रोकिएको थियो।
उक्त सबस्टेसन एसियाली विकास बैंक (एडीबी)को ऋण लगानीमा दुई अर्ब रुपैयाँको लागतमा निर्माण हुनेछ। भक्तपुरको ठिमीबाट आउने भूमिगत विद्युत् प्रसारण लाइन बालकुमारीस्थित जीआइएस सबस्टेसनमा जोडिनेछ । तत्पश्चात् टेकु सबस्टेसनमा जोड्ने प्राधिकरणको तयारी छ।
उक्त सबस्टेसनको निर्माण सम्पन्न भएपछि आगामी पाँच वर्षसम्मको विद्युत् माग पूरा गर्न सहज हुनेछ।
केयूकेएलले बालकुमारीमा स्थापना गर्ने ढल प्रशोधन केन्द्रलाई आवश्यक पर्ने विद्युत् प्राधिकरणले निःशुल्क दिने र त्यसबापत प्राधिकरणले २५ वर्षसम्मका लागि तीन रोपनी १३ आना दुई पैसा जग्गा उपभोग गर्ने सहमति भएको छ। जग्गा प्राप्तिको प्रक्रिया पूरा भएसँगै सबस्टेसन निर्माणका लागि बोलपत्र आह्वान गरिनेछ।
