काठमाडौं- मोटरहेडको नयाँ मोटरसाइकल नेपाल भित्रिएको छ। मोटरहेडको आधिकारिक विक्रेता एसएलआर टेक्नो एण्ड ट्रेडले टेकन आर-२५० मोडलको मोटरसाइकल सार्वजनिक गरेको हो।
एसएलआर टेक्नो एण्ड ट्रेडका महाप्रबन्धक उज्वल जोशीका अनुशार नयाँ टेकन आर २५० को शुरुवात मूल्य ४ लाख ५ हजार रुपैयाँ तोकिएको छ। यो मूल्य सीमित अवधिको लागीमात्र उपलब्ध हुने शुक्रबार मोटरसाइकल सार्वजनि कार्यक्रममा उनले बताए।
सो मोटरसाइकल दुई रंग र भिन्न ग्राफिक्समा उपलब्ध छ। यो मोटरसाइकलमा रहेको उन्नत इन्जिन, कडा चेसिस र फ्रेमका कारण अफरोडका लागि उत्कृष्ट रहेको दाबी कम्पनीको छ।
यसको विशेषताको रुपमा स्टाइलिस हेडलाइट्स, स्लिक इन्डिकेटरसहित इनविल्ड इन्जिन लेग गार्ड, डबल डिस्क ब्रेक र आरामदायक सिट भएकोले नेपालको युवाहरुले अत्यन्तै मन पराउने विश्वास कम्पनीको छ।
बिक्री पछिको सेवाको गुणस्तर वृद्धिमा निरन्तर प्रयास र मोटरहेड चीनसँग समन्वय गरि आउँदा दिनहरुमा पूरै नयाँ स्तरमा ग्राहकहरुलाई सन्तुष्टि दिने कम्पनीले जनाएको छ।
मोटरहेड व्रान्ड ५ वर्षदेखि नेपालको दईपांग्रे बजारमा डट सेगमेन्टमा बलियो उपस्थिति जनाएको कम्पनीको भनाइ छ। त्यस वाहेक, कम्पनीले क्रसओभर र स्याम्बलर सेगमेन्टहरुलाई पनि प्राथमिता दिएको छ।
मोटरहेड मोटरसाइकल नेपालको सबै भूभागको लागि उपयुक्त हनुको साथै यसको फराकिलो र ठूलो टायर, उच्च ग्राउन्ड क्लियरन्स, राम्रो पिक अप, पावर र आरामदायी रहेको दाबी कम्पनीको छ।
