.jpg)
.jpg)
.gif)
.gif)
काठमाडौं- सरकारले अनलाइन सट्टेबाजी नियन्त्रणमा कडा कदम चाल्दै ७ हजारभन्दा बढी एप र वेबसाइट बन्द गरेको छ।
.gif)
सञ्चार तथा सूचना प्रविधि मन्त्रालयको निर्देशनअनुसार नेपाल दूरसञ्चार प्राधिकरणले इन्टरनेट सेवा प्रदायकलाई यस्ता एप र युआरएल बन्द गर्न आदेश दिएको हो। पछिल्लो एक सातामा अनलाइन सट्टेबाजीसम्बन्धी ५० भन्दा बढी गुनासो प्राप्त भएपछि तत्काल सम्बोधन गरिएको बताइएको छ।
.gif)
.gif)
मन्त्रिपरिषद्को चैत १३ को निर्णय (बुँदा नं. ४२) र सञ्चार तथा सूचना प्रविधिमन्त्री डा. बिक्रम तिमिल्सिनाको चैत १५ को निर्देशनअनुसार २४ घण्टाभित्र यस्ता एप र युआरएल बन्द गर्ने नीति अनुसार तत्काल कदम चालिएको छ।
मुलुकी अपराध संहिता, २०७४ अनुसार सट्टेबाजी अवैध रहेको छ। यसरी अनलाइन सट्टेबाजीमा संलग्न व्यक्तिलाई एक वर्षसम्म कैद र १० हजार रुपैयाँसम्म जरिवाना हुने प्रावधान छ। साथै, विज्ञापन ऐन, २०६६ ले सट्टेबाजीसम्बन्धी प्रचार-प्रसारमा प्रतिबन्ध लगाएको छ।
नेपाल दूरसञ्चार प्राधिकरणले अनलाइन सट्टेबाजी रोकथाममा सक्रिय भूमिका निर्वाह गरिरहेको जनाएको छ।
