.jpg)
.jpg)
.gif)
.gif)
गुल्मी- जिल्लाको इस्मा गाउँपालिका-२ अन्तर्गत छल्दीटारी र पालुखा जोड्ने झोलुंगे पुल निर्धारित समयभन्दा ५ महिनाअगावै निर्माण सम्पन्न भएको छ।
.gif)
सडक पूर्वाधार विकास कार्यालय तम्घासमार्फत निर्माण गरिएको १ सय ४६ मिटर लामो सस्पेन्सन (एनटाइप) पुलको निर्माण आस्था सम्झना जेभी अर्घाखाँचीले निर्माण समयअघि नै सम्पन्न गरेको हो। पुल निर्माणका लागि १ करोड ७१ लाख ८४ हजार ४ सय ६० रुपैयाँ बजेट विनियोजन गरिएको थियो।
.gif)
.gif)
निर्माण व्यवसायीसँग २०८२ भदौ ३ गते सम्झौता भइ २०८३ भदौ ३ गतेभित्र काम सम्पन्न गर्ने लक्ष्य राखिएको थियो। तर निर्धारित समयभन्दा अगावै निर्माण सम्पन्न भएपछि स्थानीयवासीमा खुसी भएका छन्।
वर्षायाममा खोलामा बाढी आउँदा स्थानीय बासिन्दा, विशेषगरी विद्यार्थी, बालबालिका, वृद्धवृद्धा तथा बिरामीलाई आवतजावतमा निकै सास्ती खेप्नुपर्ने बाध्यता थियो। यसअघि पुल अभावमा वर्षात्को समयमा कतिपय विद्यार्थी विद्यालय जानबाट वञ्चित हुने अवस्था रहेको स्थानीय यमबहादुर थापाले बताए।
उनका अनुसार पुल नहुँदा खोला तर्न जोखिम मोल्नुपर्ने तथा लामो घुमाउरो बाटो प्रयोग गर्नुपर्ने बाध्यता थियो। अब पुल सञ्चालनमा आएपछि करिब आधा घण्टाको दूरी ५ मिनेटमै छोटिने भएको छ।
स्थानीय रामलाल घिमिरेका अनुसार पुल सञ्चालनमा आएपछि विद्यालय तथा स्वास्थ्य सेवा लिन जानका लागि सहज हुनुका साथै व्यापारिक क्षेत्रमा पनि चहलपहल बढ्ने छ।
लामो समयदेखि त्यस क्षेत्रका बासिन्दाले राजनीतिक दलहरूसँग गरेको झोलुंगे पुलको माग ढिलै भए पनि पूरा गरिदिएको भन्दै स्थानीयवासीले खुसी व्यक्त गरेका छन्। उक्त पुलले वारिपारिका दुई बस्तीलाई जोड्ने मात्र नभइ त्यस क्षेत्रका नागरिकको जीवनस्तर उकास्ने महत्त्वपूर्ण पूर्वाधारका रूपमा हेरिएको छ। रासस
