.jpg)
.jpg)
.gif)
.gif)
काठमाडौं- गत फागुन २१ गते सम्पन्न प्रतिनिधिसभा सदस्य निर्वाचनमा थ्रेसहोल्ड (३ प्रतिशत मत) पार गरेका ६ वटा राजनीतिक दलले आज कार्यालय समयभित्र समानुपातिकतर्फ निर्वाचित हुने उम्मेदवारको नाम बुझाउँदै छन्।
.gif)
निर्वाचनमा थ्रेसहोल्ड पार गरेका राष्ट्रिय स्वतन्त्र पार्टी (रास्वपा), नेपाली कांग्रेस, नेपाल कम्युनिष्ट पार्टी (एमाले), नेपाली कम्युनिष्ट पार्टी (नेकपा), श्रम संस्कृति पार्टी र राष्ट्रिय प्रजातन्त्र पार्टी (राप्रपा) लाई आज साँझ ५ बजेसम्म क्लष्टर (समूह) मिल्ने गरी निर्वाचित उम्मेदवारको नाम पेस गर्न गत फागुन २८ गते पत्रात्रार गरिएको निर्वाचन आयोगका सहायक प्रवक्ता कुलबहादुर जीसीले जानकारी दिए।
.gif)
.gif)
फागुन २१ गतेको निर्वाचनमा समानुपातिकतर्फ १ करोड १२ लाख ८० हजार ६१७ मतदान भएकामा १ करोड ८ लाख ३५ हजार २५ मत सदर भएको थियो। सदर मतमध्ये सबैभन्दा बढी प्राप्त गर्ने रास्वपाले क्लष्टरअनुसार ५७ सांसद निर्वाचित भएको विवरण पठाउनुपर्ने छ।
यसैगरी कांग्रेसले २०, एमालेले १६, नेकपाले ९, श्रम संस्कृति पार्टी र राप्रपाले ४-४ जना उम्मेदवार निर्वाचित भएको सूची क्लष्टर मिलाएर आज साँझ ५ बजेसम्म आयोगमा पेस गर्नुपर्ने उनले बताए।
दलबाट आएको नाम तोकेको क्लष्टरअनुसारको प्रतिनिधित्वका आधारमा भए आयोगले आजै निर्वाचित उम्मेदवारको नामावली सार्वजनिक गर्ने छ। नमिलेमा फेरि सच्याउन समय तोकिने प्रवक्ता जीसीले उल्लेख गरे। समानुपातिक प्रणालीबाट ११० जना उम्मेदवार निर्वाचित हुने कानूनी व्यवस्था छ। रासस
