.jpg)
.jpg)
.gif)
.gif)
पर्सा- चालु आर्थिक वर्षको पहिलो ६ महिनामा वीरगञ्जबाट १ अर्ब ३६ करोड २९ लाख रुपैयाँबराबरका ४ सय ५६ वटा विद्युतीय सवारीसाधन आयात भएका छन्।
.gif)
गत आर्थिक वर्षको ६ महिनाको तुलनामा चालु आर्थिक वर्षमा संख्याको आधारमा विद्युतीय सवारीसाधनको आयात ३ सय ३२ वटाले बढेको छ। चालु आर्थिक वर्षको ६ महिनामा विद्युतीय सवारीसाधनको आयातबाट मात्रै ८७ करोड ८४ लाख रुपैयाँ राजस्व संकलन भएको छ।
.gif)
.gif)
वीरगञ्ज भन्सार कार्यालयका सूचना अधिकारी उदयसिंह विष्टले चालु आर्थिक वर्षमा यो नाका हुँदै विद्युतीय सवारीसाधनको आयात बढेसँगै राजस्व संकलन पनि बढेको बताए।
गत आर्थिक वर्षको ६ महिनामा भने ३० करोड २६ लाख रुपैयाँको १ सय २४ वटा विद्युतबाट चल्ने जीप, कार र भ्यान आयात भएको थियो। ती सवारीसाधनको आयातबाट २४ करोड २९ लाख रुपैयाँ राजस्व संकलन भएको थियो। वीरगञ्ज नाका हुँदै चालु आर्थिक वर्षको ६ महिनामा ९३ करोड रुपैयाँको इन्धनबाट चल्ने ४ सय ३४ वटा जीप, कार र भ्यान आयात भएको छ।
ती सवारीसाधनको आयातबाट २ अर्ब ५६ करोड रुपैयाँ राजस्व संकलन भएको छ। गत आर्थिक वर्षको ६ महिनामा भने १ अर्ब १७ करोड रुपैयाँको ५ सय ९२ वटा इन्धनबाट चल्ने जीप, कार र भ्यान आयात भएका थिए। गत आर्थिक वर्षको ६ महिनामा ती सवारीसाधनको आयातबाट ३ अर्ब ९ करोड रुपैयाँ राजस्व संकलन भएको थियो। रासस
