.gif)
.gif)
काठमाडौं- आइतबार र सोमबार लगातार बढेको सुनको मूल्य मंगलबार भने स्थिर देखिएको छ। मंगलबारका लागि नेपाली बजारमा छापावाल सुनको मूल्य १ लाख ३ हजार रुपैयाँ तोकिएको छ। सोमबार पनि सुन १ लाख ३ हजार रुपैयाँमै कारोबार भएको थियो।
तर चाँदीको मूल्य भने सोमबारको तुलनामा घटेको छ। सोमबार १४ सय २५ रुपैयाँमा कारोबार भएको थियो। मंगलबार चाँदीको मूल्य तोलामा १५ रुपैयाँ घटेर १४ सय १० रुपैयाँ कायम भएको नेपाल सुनचाँदी व्यवसायी महासंघले जनाएको छ।
रुस-युक्रेन युद्धका कारण सुनको मूल्य बढी रहेको छ। पछिल्लो केही दिनयता लगातार बढेको सुनको मूल्य मंगलबार भने रोकिएको हो। तथापी अन्तर्राष्ट्रिय बजारमा सुनको मूल्य बढ्ने संकेत देखिएकाले नेपाली बजारमा समेत त्यसको प्रभाव पर्ने व्यवसायीहरुले बताएका छन्।
सुनको मूल्य यसअघि २०७७ साउन २३ गते १ लाख ३ हजार ५ सय रूपैयाँमा कारोबार भएको थियो। जुन हालसम्मकै उच्च मूल्य हो।
