.gif)
.gif)
काठमाडौं- न्यून निक्षेप संकलन र अधिक ऋण परिचालनको ट्रेन्डमा पछिल्लो साता ब्रेक लागेको छ। वाणिज्य बैंकहरूले पछिल्लो सात दिनमा ऋण परिचालनभन्दा दोबर निक्षेप संकलन गरेका छन्।
फागुन १३ गतेसम्म ४३ खर्ब १३ अर्ब निक्षेप संकलन भएकोमा फागुन २० गतेसम्म ४३ खर्ब २४ अर्ब निक्षेप पुगेको छ।
तर यो अवधिमा ऋण भने जम्मा ५ अर्बले विस्तार भएको छ। पछिल्लो समय न्यून निक्षेप संकलन र अधिक ऋणको माग हुँदा वाणिज्य बैंकहरू दबाबमा पर्दै आएका छन्। माग अनुसारको ऋण परिचालन गर्न उनीहरूलाई कठिन भइरहेको छ।
पछिल्लो साताको अवस्थामा भने केही सुधार देखिएको छ। पछिल्लो समय सरकारी खर्चमा सुधार देखिएको र आयातमा कडाइ हुँदा पनि केही निक्षेपमा सहज हुने लक्षण देखिएको अधिकारीहरूले दाबी गरेका छन्।
