काठमाडौं- अमेरिकी डलरको तुलनामा नेपाली रुपैयाँ १० महिना यताकै कमजोर बनेको छ। नेपाल राष्ट्र बैंकको तथ्यांक अनुसार एक अमेरिकी डलरको भाउ नेरू १२२.१६ पुगेको छ। 

डलरको तुलनामा नेपाली रुपैयाँ १० महिनाकै कमजोर भएको छ। नेपाल राष्ट्र बैंकले सोमबारका लागि एक डलरको भाउ १२२ रुपैयाँ १६ पैसा तोकेको छ। जुन मूल्य १० महिना अगाडिको विन्दुमा पुगेको हो। 

यसअघि २०७७ असार ९ गते हालसम्मकै उच्च मूल्य विन्दुमा पुगेको थियो।  डलरको भाउ २०७७ वैशाख १० गते  १ डलरको १२२ रुपैयाँ ६८ पैसा पुगेको थियो। 

डलर बलियो हुँदै जाँदा नेपाली बजारमा महंगी बढ्छ। आयातमा आधारित अर्थतन्त्र भएकाले अधिकांस वस्तुको मूल्य वृद्धि हुन्छ। 

नेपाली कामदारले विदेशमा काम गरेर पठाउने रेमिट्यान्स भने वृद्धि हुन्छ। रेमिट्यान्स भन्दा आयातको मूल्य धेरै हुने भएकाले समग्रमा नेपाली अर्थतन्त्र नोक्सानीमा जान्छ।