काठमाडौं-बैंकहरूको एटीएम कार्डजस्तै सहकारी संस्थाहरूले पनि कोप कार्ड जारी गर्ने भएका छन्।
सहकारीको पहिचानसहितको कोप कार्ड जारी गर्नका लागि ग्लोबल आईएमई बैंक, राष्ट्रिय सहकारी बैंक र स्मार्ट च्वाइस टेक्नोलोजीबीच सम्झौता सम्पन्न भएको छ।
ग्लोबल आईएमई बैंकको प्रायोजनमा राष्ट्रिय सहकारी बैंक मार्फत् यसका सदस्यहरुले कोप कार्ड जारी गर्ने छन्। यस्तो कार्ड प्रविधिका लागि एससीटीले चाइना युनीयन पेसँग सहकार्य गरिरहेको छ। यही प्रविधिमा कोप कार्ड जारी हुने छ।
