काठमाडौं- इ-कमर्श प्ल्याटफर्म बिजबजार र समृद्धि फाइनान्सबीच प्रबर्द्धन सम्झौता भएको छ।
यो सम्झौता अनुसार समृद्धि फाइनान्समा खाता खोल्नेले बिजबजारमा पाँच सय रुपैयाँ बराबरको सपिङ भौचर प्राप्त गर्नेछन्।
सम्झौतामा बिजबजारको तर्फबाट प्रमुख कार्यकारी अधिकृत गणेशराज गौतम र समृद्धि फाइनान्सका तर्फबाट प्रमुख कार्यकारी अधिकृत टिकानिधि लोहनीले हस्ताक्षर गरेका छन्।
नेपालका साना तथा मझौला उद्यमलाई प्राथमिकतामा राख्दै बएको बिजबजारमा उपभोक्ताका लागि अरु अफर पनि रहेको कम्पनीले जानकारी दिएको छ।
समृद्धि फाइनान्सको मोबाइल बैंकिङ्ग वा कनेक्ट आइपियस मार्फत भुक्तानी गर्दा १० प्रतिशत वा बढीमा ३०० रुपैयाँसम्मको क्यासब्याक पाउने भएका छन् । साथै समृद्धि फाइनान्सले खाता खोल्ने प्रत्येक नयाँ ग्राहकलाई बिजबजारको २०० बराबरको सपिङ भौचर पाउनेछन्। एक वर्षका लागि एक लाख वा बढीको मुद्दती खाता खोल्ने ग्राहकहरूलाई बिजबजारको ५०० बराबरको सपिङ भौचर पनि पाउनेछन्।
