.jpg)
.gif)
.gif)
काठमाडौं- नेपाल राष्ट्र बैंकको मौद्रिक व्यवस्थापन विभागले १२ दिनका लागि ९० अर्ब रुपैयाँ निक्षेप संकलन गर्न बोलकबोल आह्वान गरेको छ। बैंकले असोज २१ गते मध्यान्ह ३ बजेसम्म अनलाइन प्रणालीमार्फत मात्र बोलकबोल गर्न सकिने जनाएको छ।
.gif)
यसअन्तर्गत निक्षेप उपकरणको निष्कासन मिति असोज २१ गते र साँवा तथा व्याज भुक्तानी मिति कात्तिक २ गते तोकिएको छ। निक्षेपमा ब्याजदर बोलकबोलमार्फत निर्धारण हुनेछ। सहभागी बैंक तथा वित्तीय संस्थाहरूले न्यूनतम १० करोडदेखि ५ करोडका गुणकमा रकम प्रस्ताव गर्न सक्ने व्यवस्था गरिएको छ।
.gif)
.gif)
निक्षेप संकलन बोलकबोलमा नेपाल राष्ट्र बैंकबाट इजाजत प्राप्त ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने छन्।
बोलकबोल ब्याजदरका आधारमा गरिने र सबैभन्दा कम ब्याजदरलाई पहिलो प्राथमिकतामा राखी आह्वान गरिएको रकमसम्म बाँडफाँट गरिने राष्ट्र बैंकले जनाएको छ।
समान ब्याजदरमा आएको प्रस्तावका कारण कुल निष्कासन रकमभन्दा बढी भएमा प्रोराटा आधारमा बाँडफाँट गरिनेछ।
