.jpg)
.gif)
.gif)
काठमाडौं- आर्थिक वर्ष २०८२/८३ को पहिलो महिनामा नेपाली कामदारबाट आउने विप्रेषण आप्रवाहमा उल्लेखनीय वृद्धि भएको छ।
.gif)
नेपाल राष्ट्र बैंकका तथ्यांकअनुसार साउनमा रेमिट्यान्स २९.९ प्रतिशतले बढेर १ खर्ब ७७ अर्ब ४१ करोड रुपैयाँ पुगेको छ। अघिल्लो वर्षको सोही अवधिमा यो वृद्धि १७.७ प्रतिशतले १ खर्ब ३६ अर्ब ६० करोड रुपैयाँमा सीमित थियो।
.gif)
.gif)
अमेरिकी डलरमा हेर्दा पनि विप्रेषण आप्रवाह २५ प्रतिशतले वृद्धि भई १ अर्ब २७ करोड डलर पुगेको छ। अघिल्लो वर्ष डलरमा आप्रवाह १५.८ प्रतिशतले बढेको थियो।
त्यसैगरी खुद द्वितीय आय (खुद ट्रान्सफर) साउनमा १ खर्ब ९३ अर्ब ८५ करोड रुपैयाँ पुगेको छ। जुन अघिल्लो वर्षको सोही अवधिमा १ खर्ब ४८ अर्ब ८ करोड रुपैयाँको तुलनामा बढी हो।
वैदेशिक रोजगारीका लागि अन्तिम श्रम स्वीकृति लिन आएका नेपालीको सङ्ख्या पनि वृद्धि भएको देखिन्छ। समीक्षा अवधिमा नयाँ श्रम स्वीकृति लिनेको सङ्ख्या ४४ हजार ४ सय ६६ पुगेको छ भने पुनः स्वीकृति लिनेको सङ्ख्या २३ हजार ६ सय ४४ रहेको छ। अघिल्लो वर्ष सोही अवधिमा क्रमशः ३६ हजार ९२८ र २२ हजार ६४७ रहेको थियो।
