काठमाडौं- आइतबार एकैदिन तीन कम्पनीको बोनस सेयर सूचीकृत भएको छ। नेप्सेमा कृषि विकास बैंकसहित तीन वाणिज्य बैंकको बोनस सेयर सूचीकृत भएको हो।

जसमध्ये कृषि विकास बैंकको २० प्रतिशत अर्थात २ करोड १९ लाख रुपैयाँ बराबरको बोनस सेयर सूचीकृत भएको छ। कृषिको १०० कित्ता सेयर हुनेको खातामा २० कित्ता थपिन्छ। 

त्यस्तै, सिद्धार्थ बैंकको १४.२५ प्रतिशत र प्राइम कमर्शियल बैंकको १६ प्रतिशत बोनस सेयर सूचीकृत भएको हो। जसमा सिद्धार्थको १ करोड ५६ लाख २१ हजार २७६ कित्ता बोनस सेयर नेप्सेमा थपिएको छ।

यता प्राइम कमर्शियल बैंकको २ करोड ५७ लाख ३२ हजार ८५९ कित्ता बोनस सेयर नेप्सेमा थपिएको छ।