काठमाडौं- कोभिड महामहारी सुरुभएसँगै फेस मास्कको आयात बढ्दो छ। चालु आर्थिक वर्षको ७ महिनामै नेपालले भारत लगायत तेस्रो मुलुकबाट ११ करोड २३ लाख ४६ हजार ७ सय ३५ पिस फेस मास्क आयात गरेको छ।
यसरी मास्क आयातमै १ अर्ब १ करोड ९५ लाख ३१ हजार रुपैयाँ विदेशिएको छ। नेपाले सबैभन्दा बढी मास्क चीनबाट आयात गरेको छ।
चीनबाट मात्रै १० करोड ८० लाख पिस भन्दा बढी फेस मास्क आयात भएको छ। चीनबाट मास्क आयातमै नेपालबाट ७६ करोड रुपैयाँ भन्दा बढी रकम बाहिरिएको छ।
चीनबाट आयात भएको मास्कबाट सरकारले ५ करोड ३२ लाख ८१ हजार रुपैयाँ राजस्व उठाएको छ।
यस्तै नेपालले नामिबियाबाट १ पिस फेस मास्क आयाात गरेका छ। जसको मूल्य १ हजार रुपैयाँ रहेको छ।
नेपालले भारतबाट २१ लाख ९६ हजार ४६ पिस फेस मास्क आयात गरेको छ।
यसैगरी नेपालले अष्ट्रेलिया, अष्ट्रिया, बंगलादेश, बेल्जियम, डेनमार्क, फान्स, जर्मनी, इराक, इजरायल, मलेसिया र कतार लगायत दुई दर्जन मुलुकबाट मास्क आयात गरेको छ।
