काठमाडौं- शिखर इन्स्योरेन्सले चैत १ गतेदेखि हकप्रद बिक्री खुला गर्ने भएको छ। कम्पनीले १०ः३ को अनुपातमा ३० प्रतिशतले हुन आउने ५२ करोड ७५ लाख ५७ हजार २ सय रुपैयाँ बराबरको ५२ लाख ७५ हजार ५ सय ७२ कित्ता हकप्रद सेयर निष्काशन गर्न लागेको हो।

कम्पनीले हकप्रद निष्काशन प्रयोजनको लागि माघ २१ गते बुक क्लोज गर्ने निर्णय गरेको छ। यस हिसाबमा माघ २० गते कायम सेयरधनीले मात्र हकप्रद सेयरमा आवेदन दिन सक्ने छन्।

कम्पनीले हकप्रद सेयर निष्काशन गर्नका लागि एनआईबिएल एस क्यापिटललाई धितोपत्र निष्काशन तथा बिक्री प्रबन्धक नियुक्त गरेको छ। लगानीकर्ताले चैत्र २१ गतेसम्म हकप्रदमा आवेदन दिन सक्ने छन्।