काठमाडौं- सुनचाँदी बजारमा बिहीबार २५ सय रूपैयाँले बढेको सुनको मूल्य शुक्रबार तोलामा १ हजार रूपैयाँले घटेको छ। शुक्रबार सुन प्रतितोला ९८ हजार रूपैयाँमा कारोबार भइरहेको छ।
सुन बुधबार प्रतितोला ९६ हजार ५ सय रूपैयाँमा कारोबार भएको थियो। नेपाल सुनचाँदी व्यवसायी महासंघले सार्वजनिक गरेको विवरणानुसार शुक्रबार तेजाबी सुनको मूल्य प्रतितोला ९७ हजार ५ सय रूपैयाँ तोकिएको छ। जसको मूल्य बिहीबार प्रतितोला ९८ हजार ५ सय थियो।
त्यस्तै शुक्रबार चाँदीको मूल्य अघिल्लो कारोबार मूल्यका तुलनामा प्रतितोला २० रूपैयाँले बढेर १ हजार ३ सय ३५ रूपैयाँ पुगेको महासंघले जनाएको छ।
महासंघले अन्तर्राष्ट्रिय बजारमा सुन तथा चाँदीका मूल्यमा हुने उतारचडावका आधारमा यहाँ दैनिक कारोबार मूल्य तोक्दै आएको छ।
