काठमाडौं- रसियाले युक्रेनमा सैन्य आक्रमण सुरू गरिसकेको छ। पछिल्लो एक महिनादेखि युक्रेनको सीमा सैन्य उपस्थिति बलियो बनाउँदै आएको रसियाले आजदेखि युक्रेनमा आक्रणम सुरू गरेको छ। 

अन्तर्राष्ट्रिय सञ्चार माध्यमका अनुसार अहिले रसियान सेनाले युक्रेनका विभिन्न सहरमा सैन्य हमला गरिरहेको छ। 

रसियन हमलापछि युक्रेनमा सैन्य कानून लागू भएको छ। हवाइ उडान बन्द गरिएको छ भने अवस्था आपतकालीन छ। 

रसियन हमलाको जवाफ युक्रेन वा पश्चिमा देशहरुले कसरी दिन्छन् त्यो हेर्न बाँकी छ। तर रसियाले युक्रेनविरुद्ध छेडेको युद्धको पहिलो प्रभाव संसारभरको अर्थतन्त्रमा देखिने भएको छ। 

संसारकै अर्थतन्त्रलाई एकैपटक प्रभावित पार्ने पेट्रोलियमको मूल्य अन्तर्राष्ट्रिय बजारमा उच्च वृद्धि भएको छ। 

रूसी राष्ट्रपति भ्लादिमिर पुटिनले आफ्ना सैनिकलाई युक्रेनमा आक्रमणको अनुमति दिनेवित्तिकै अप्रसोधित पेट्रोलियमको मूल्य एक सय डलर प्रति ब्यारेल पुगेको थियो। यो मूल्य सात वर्षकै महंगो हो। 

एक सय डलर पुगेको एक घण्टामै अन्तर्राष्ट्रिय बजारमा अप्रोसोधित पेट्रोलियमको मूल्य प्रति ब्यारेल १०२ डलर पुगेको छ।