.jpg)
.gif)
.gif)
काठमाडौं- गएको दुई सातामा १३२.२७ अंकले घटेको सेयर बजार यो साता पहिलो कारोबारमा पनि ओरालोतिर नै लागेको छ।
.gif)
गएको साता समग्रमा ७२.६९ अंकले घटेको सेयर बजार त्यसअघिको साता ५९.५८ अंकले घटेको थियो। यो साता पहिलो कारोबारमा सोमबार २७.९० अंकले घटेर बजार २८२२.४६ बिन्दुमा झरेको छ। बजारमा १० अर्ब २१ करोड १ लाख रुपैयाँको कारोबार भएको छ। जहाँ ३० कम्पनीको मात्र सेयर मूल्य बढ्दा २२० कम्पनीको सेयर मूल्य घटेको छ।
.gif)
.gif)
गएको वर्ष साउन ३१ गते ३०००.८१ को बिन्दुसम्म पुगेको बजार त्यसयता उतारचढावमा देखिएकोमा यही साउन १३ गते पनि ३००२.०८ बिन्दुसम्म पुगेको थियो। त्यसयता उतारचढावमा रहेको बजारमा ओरालो गति नै बढी देखिन्छ।
गएको वर्ष साउनमा देखिएको उछालपछि लामो समयसम्म बजार धरमर गरिरहँदा बुलिस ट्रेन्ड छायामा देखिएको थियो। बढ्दो बजारमा केही समय उतारचढाव हुनु स्वाभाविक नै मान्नुपर्ने भए पनि त्यो अलि लामै समय देखियो। जसले गर्दा केही लगानीकर्ता अतालिए भने केहीले सुझबुझपूर्ण 'स्टप लस हन्ट' गरे। अहिले पुन: बजार त्यही अवस्थामा देखिन्छ।
बजारले उचाइको गति तय गर्न सबै कुराले साथ दिइरहेको विश्लेषण भइरहँदा नयाँ उचाइ भेट्न कठिन बनिरहेको देखिन्छ। २०७८ भदौ २ गते कीर्तिमान बनेको हालसम्मकै उच्च ३१९९.०३ को बिन्दु पार हुने पर्खाइमा लगानीकर्ता लामो समयदेखि देखिन्छन्।
