.gif)
.gif)
काठमाडौं- सुनचाँदी बजारमा शुक्रबार छापावाल सुनको मूल्य प्रतितोला चार सय रूपैयाँले बढेर ९६ हजार ५ सय रूपैयाँमा कारोबार भइरहेको छ। बिहीबार सुन प्रतितोला ९६ हजार १ सय रूपैयाँमा कारोबार भएको थियो।
नेपाल सुनचाँदी व्यवसायी महासंघले सार्वजनिक गरेको विवरणानुसार आज तेजाबी सुनको मूल्य प्रतितोला ९६ हजार कायम भएको छ। यसको मूल्य बिहीबार प्रतितोला ९५ हजार ६ सय तोकिएको थियो।
त्यस्तै शुक्रबार चाँदीको मूल्य अघिल्लो कारोबार मूल्यका तुलनामा प्रतितोला १० ले वृद्धि भएर १ हजार ३ सय ५ रूपैयाँ कायम भएको महासंघले जनाएको छ।
महासंघले अन्तर्राष्ट्रिय बजारमा सुन तथा चाँदीका मूल्यमा हुने परिवर्तनका आधारमा यहाँ दैनिक कारोबार मूल्य तोक्दै आएको छ। अन्तर्राष्ट्रिय बजारमा शुक्बार सुन प्रतिऔँस १ हजार ८ सय ९१ डलर आसपास कारोबार भइरहेको छ।
