.jpg)
 tata.jpg)
.gif)
.gif)
काठमाडौं- वैदेशिक रोजगारीमा आकर्षक तलबको प्रलोभनमा पारी लक्जेम्बर्ग पठाइदिन्छु भन्दै रकम ठगी गरेको अभियोगमा नवलपरासी पश्चिम सरावल गाउँपालिका-२ का ४० वर्षीय भूपनारायण चौधरीलाई पक्राउ गरिएको छ।
अभियुक्त चौधरीले लक्जेम्बर्ग पठाइदिन्छु भन्दै दुई जना पीडितबाट १२ लाख रुपैयाँ लिई सम्पर्कविहीन भएको भन्ने पीडितहरूको उजुरीका आधारमा निजलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले बिहीबार ललितपुर महानगरपालिका-४ बाट पक्राउ गरेको हो।
.gif)
यसैबीच, बैकिंङ कसुर मुद्दाका दुई जना फरार प्रतिवादी पनि पक्राउ परेका छन्। केन्द्रीय प्रहरी समाचारकक्षका अनुसार सिन्धुली दुधौली नगरपालिका-८ घरका ३० वर्षीय प्रलाद खड्का र हेटौँडा उपमहानगरपालिका-४ घर भएका ३६ वर्षीय सुनिल लामालाई पक्राउ गरिएको हो।
.gif)
.jpg)
काठमाडौं उपत्यका अपराध अनुसन्धान कार्यालय टेकुबाट खटिएको प्रलादलाई काठमाडौं महानगरपालिका-७ चावहिल गंगाहिटीबाट बिहीबार र सुनिललाई चन्द्रागिरि नगरपालिका-५ गुर्जुधाराबाट शुक्रबार पक्राउ गरेको हो। पक्राउमध्ये प्रलादलाई आवश्यक अनुसन्धान एवं कारबाहीका लागि जिल्ला प्रहरी परिसर काठमाडौं र सुनिललाई इलाका प्रहरी कार्यालय सिमरा बारा पठाइएको छ। रासस
